Bedienings

Doel van die bediening. Enigeen kan baat vind by Bybelstudie.  Die Bybel vorm die rigsnoer vir ons lewens en daar bestaan verskeie Bybelstudiegroepe in die gemeente. Hoe om deel te word van so ’n groep:
– Enige persoon in ons gemeente wat graag by so ’n groep wil inskakel is baie welkom.
– Kontak gerus enigeen van die leraars en hulle sal jou graag ondersteun.  Indien jy ‘n nuwe Bybelstudiegroep wil begin kontak een van die leraars.

Kontakpersone:
Ds. Louis 084 512 8207, Ds. Marius 082 327 7425, Elma Cloete 082 891 9089, Douha Kemp 082 780 6813  (seniors), Alida Nieuwoudt  061 970 6856 (seniors)

“Ook tot in julle ouderdom is Ek die Here, tot in julle grysheid sal Ek julle dra.  Ek het julle gemaak en Ek sal julle vashou, julle dra en julle red”. (Jesaja 46:4)

Basileia Gemeente is ‘n gemeente waar daar per geleentheid op ‘n Sondag, 4 generasies in die erediens verteenwoordig is.  Ons glo dat ‘n effektiewe Bybelse gemeente nie net uit een generasie kan bestaan nie.  Die generasie wat al ouer geword het en onder die 100 jaar ouderdomsgroep sorteer, is vir ons geweldig belangrik.  Ons Spiritualiteit is divers en daarom doen ons moeite om ook hierdie ouderdomsgroep in ons gemeente tuis te laat voel.  Op baie terreine is julle vir ons ‘n voorbeeld.  Vaste Geloof, stewige Waardes en Respek en Ontsag vir God is kosbare bakens op ons geloofsreis.

Die onder 100 jaar groep in ons gemeente kom maandeliks tydens ‘n Donderdagoggend om 09:30 by die kerk bymekaar.  Verder vergader hulle weekliks in groepe waarin hulle geestelik groei en vir mekaar omgee.  Ons leuse is Aktief Oudword – elkeen word aangemoedig om so aktief moontlik te wees soos hulle liggame hulle toelaat om te wees.

 Ons uitdaging is om Geestelik te groei en om ons getalle aan te vul.  Ons droom is om dié wat nie meer vandag se kinders is, maar nog nie oud voel, ook by ons te help inskakel.  Ds. Marius Nel is die predikant wat hier help.

Kontakpersone: 
Ds. Marius 082 327 7425 en Douha Kemp 082 780 6813

Die doel van die bediening. Om die manne in die gemeente te begelei dat hulle al hoe meer die beeld van Christus sal vertoon. Aktiwiteite van die bediening. Daar word jaarliks ‘n mannekamp gehou, hou die almanak dop en die afkondiginge in die kerk vir wanneer.  Daar word ook van tyd tot tyd retreats gehou vir so  een dag vir manne en verder is daar dissipelskapgroepe vir mans wat vroegoggende bymekaarkom.  Daar word dan ’n Bybelboek bespreek of die boek van die groep se keuse.

Hoe om deel te word:
As jy ’n lidmaat is van die gemeente is jy deel van die bediening, maar as jy deel wil vorm van die werkgroep wat die mansaktiwiteite beplan  kontak vir Ds. Louis 084 512 8207 of Roland Du Plessis 083 678 9069.

“Maar Jesus het gesê: “Laat staan die kinders en moet hulle nie verhinder om na My toe te kom nie, want die koninkryk van die hemel is juis vir mense soos hulle.” (Matteus 19:14)

Die doel en aktiwiteite van die bediening
Kinders was, is en sal altyd ‘n groot prioriteit en fokus in ons gemeente bly.  Die kinderbediening in Basileia Gemeente val nie rond agter elke suksesverhaal nie, maar werk met ‘n duidelike plan en met een doel voor oë, naamlik die effektiewe holistiese bediening van die kind.  Dit vind elke Sondagoggend  -(uitgesluit skoolvakansies en langnaweke) – gelyktydig met die erediens in die saal en koffiekamer plaas.

Ons teikengroep by die kinderbediening is die kinders van 3jr tot Graad 6.  Ons het nie meer tradisionele “Sondagskool” nie, maar verdeel in ontwikkelingsfases vir kinderkerk en kleingroepe daarna terwyl die volwassenes in die kerkgebou vergader.

Hoe om betrokke te raak
– Grootgroepaanbieders
– hulle is verantwoordelik vir die preekbeurt vir die kinders.                                       – Dan is daar persone verantwoordelik vir die multimedia en klank.
– Die groepleiers hanteer die kleingroepbesprekings wat daar by kinder-erediens plaasvind.
– Administratiewe beamptes wat help met die administrasie van die kinderkerk.
– Musiekbediening wat die kinders begelei met sang en musiek.

Kontakperson:
Ds. Marius 082 327 7425        

Dit vorm die hoogtepunt van ons tienerbediening oor die jare.  Daar word baie spesiale moeite gedoen met die kinders.  Ons skop die jaar af met ‘n kamp en dan doen ons die Kairos kursus wat handel oor hoe God die Wêreld sien en wat Sy plan is.  Ons gaan in die Oktober skoolvakansie op ‘n kruiskulturele uitreik om die kinders te laat ervaar wat ons in die kursus gedoen het.  Dit is ‘n opwindende jaar vir die kinders en vir ons as begeleiers.

Kontak:
Ds Louis 084 512 8207 of Kerkkantoor 013 697 4449 aan die einde van jou kind se Gr 10 skooljaar indien jy wil hê jou kind moet sy of haar Belydenisjaar (Gr 11 jaar) doen by Basileia Gemeente.

Vul die vorm in en stuur dit vir one. 

Doel van die bediening is om tieners op so ’n geestelike vlak te bereik dat hulle nie kan NEE sê vir Jesus nie.  Ons vat hulle terug na die basiese beginsels.

Samestelling van die bediening.
Ds. Louis neem op die oomblik die verantwoordelikheid daar.  Daar is ’n bedieningsleier en verder groepleiers.  Die groepleiers hanteer elkeen ’n groepie tieners en die beplanning is so dat as jy met ’n Gr 7 groep begin en dit is vir jou enigsins moontlik, vat jy hulle deur tot die belydenisjaar.

Funksionering van bediening.
Hulle kom Sondaemiddae om 16:00 byeen en dan vind die jeugbyeenkoms plaas.  Dit hou aan met kleingroepbesprekings tot 17:00.

Daar is ook jeugkampe deur die jaar.  Sien kalender en afkondiginge.  Die jeug is vir ons in Basileia Gemeente ’n wesenlike deel van die gemeente.

Hoe om betrokke te raak:
’n Passie om met tieners te werk is ’n vereiste.  Maar die heel belangrikste is dat jy wat met die tieners werk, ’n lewende verhouding met God moet hê.  Indien die Here dit op jou hart lê om betrokke te raak, kan die bedieningsleier of die leraar gekontak word.  Jy word dan by ’n jeuggroep ingedeel en jy word hulle geestelike mentor vir die tyd wat jy by hulle betrokke is. Dit is ook jou verantwoordelikheid om in die week met jou kleingroeplede kontak te behou.

Kontakpersoon: 
Ds. Louis  084 512 8207

In hierdie moeilike tyd wil ons as gemeente graag ‘n hand na jou uitreik en ‘n paar treë op hierdie pad saam met jou stap.  Wanneer jy in hierdie verband hulp benodig kan jy die predikant van jou keuse self kontak of met die kerkkantoor skakel vir hulp in hierdie verband.  Die begrafnisondernemer van jou keuse sal jou ook in hierdie verband behulpsaam kan wees.

Kontakbesonderhede van die predikante:
Ds Louis Cloete – 084 512 8207
Ds Marius Nel – 082 327 7425
Kerkkantoor – 013 697 4449

Ons het ook ‘n veilige en toeganklike Muur van Herinnering waar die as van jou geliefde veilig op die kerkterrein bewaar kan word. Indien jy enige inligting in hierdie verband benodig voltooi die vorm en stuur dit aan ons.